ARCHIVÉ Glossaire d'enseignement scolaire des mathématiques - Introduction

Contenu archivé

L’information dite archivée est fournie à des fins de référence, de recherche ou de tenue de documents. Elle n’est pas assujettie aux normes Web du gouvernement du Canada et n’a pas été modifiée ni mise à jour depuis son archivage. Pour obtenir cette information dans un autre format, Contactez-nous.

Liens connexes

ᓇᐃᓴᐅᓯᕆᓂᕐᒧᑦ ᐅᖃᐅᓰᑦ

ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒃ, ᓄᓇᑦᑕ ᐃᓕᓴᕐᕕᖓ, ᐃᖃᓗᓐᓂ ᓄᓇᕗᒻᒥ

ᓇᓗᓇᐃᖅᓯᒋᐊᕈᑎ ᐃᓗᓕᖏᓐᓂᒃ

ᓈᓴᐅᓯᕆᓂᓕᕆᑎᑦᑎᓂᖅ ᖃᓄᑐᐃᓐᓇᑦᑎᐊᖅ ᐃᓕᓴᐃᔩᑦ ᐅᖃᐅᓯᖃᕋᓗᐊᖅᑎᓪᓗᒋᑦ ᑖᒃᑯᓄᖓᑦᑕᐃᓐᓇᓪᓚᕆᑯᓗᒃ ᑐᕌᖓᔪᓂᒃ ᐅᖃᐅᓯᖅᑕᖃᖅᑎᑦᑎᒡᒍᖕᒪᑦ: ᓲᕐᓗ ᓈᓴᐅᑏᑦ ᐊᑎᖃᐅᖅᑐᑦ, ᖃᓄᐃᓕᐅᖁᔨᓃᑦ ᑕᐃᒎᓯᖅᑕᖃᐅᖅᑐᑦ, ᖃᓄᐃᓕᐅᕈᓰᑦ ᐊᑎᖃᐅᖅᑐᑦ, ᐊᒻᒪᓗ ᖃᔅᓰᓐᓇᓪᓚᕆᑯᓗᖕᓄᑦ ᓈᓴᐅᓯᕆᓂᕐᒧᓪᓗᐊᑕᖅ ᑐᕌᖓᑎᑦᑎᔪᑦ. ᑕᒪᒃᑯᐊ ᐅᖃᐅᓰᑦ ᑭᒡᓚᐅᑦᑎᓯᒪᒡᒍᓗᐊᕐᓂᑯᖏᓐᓄᑦ ᐊᒃᑐᐊᓂᖃᕋᔪᖕᒪᑕ ᐃᓕᓐᓂᐊᖅᑎᑦᑎᓂᕐᒧᓪᓗ ᓈᓴᐅᓯᕆᓂᐅᓪᓗ ᐃᓕᓐᓂᐊᖅᑕᐅᓂᖏᓐᓄᑦ. ᐃᒪᐃᓕᖓᒐᔪᖕᓇᖅᖢᓂ, ᓇᐃᓴᐅᓯᕆᒋᐊᕌᖓᒥᒃ ᑎᑎᕋᑲᑕᒡᒍᖔᓕᖅᖢᑎᒃ ᐸᐃᑉᐹᑎᒍᓪᓘᓐᓃᑦ ᓇᐃᓴᐅᓯᕆᔾᔪᑎᑎᒍᓪᓗᓃᑦ ᓄᑖᓂᒃ ᐅᖃᐅᓯᕐᓂᒃ ᐃᓕᑦᑎᕙᓪᓕᐊᙱᓕᖅᖢᑎᒃ ᐊᒻᒪᓗ ᑐᑭᓕᐊᑐᐃᓐᓇᖅᑰᔨᔪᒥᒃ/ᓯᐊᒻᒪᖅᐸᓪᓕᐊᑎᐃᓐᓇᖅᑰᔨᔪᒥᒃ ᐃᓕᓐᓂᐊᕈᓯᖅᑕᖃᖅᖢᓂ.

ᑭᓯᐊᓂᓕ ᐊᕐᕌᒍᓂ ᐊᓂᒍᓵᕐᓂᑰᓯᒪᓕᖅᑐᓂ ᕿᑭᖅᑖᓗᖕᒥ ᐅᖓᑖᓂᓗ, ᐃᓄᒃᑎᑐᑦ ᐅᖃᐅᓯᓖᑦ ᐅᕙᓐᓄᑦ ᓇᓗᓇᐃᖅᓯᓂᑰᕙᒃᓯᒪᓕᕐᒪᑕ ᐅᔾᔨᕆᓯᒪᔭᒥᖕᓂᒃ ᖃᓄᖅ ᓈᓴᐅᓯᕆᓂᕐᒥᒃ ᐃᓕᓐᓂᐊᕐᓂᖅ ᑲᑦᑐᖓᓂᖅᓴᐅᑎᑕᐅᔪᓐᓇᕆᐊᒃᓴᖓᓂᒃ ᐅᖃᐅᓯᖅᑕᖃᙱᓗᐊᕐᓂᖓᓄᑦ. ᑕᒪᓐᓇᓕ ᑕᐅᑐᒃᑲᒃᑯ ᐅᔾᔨᕈᓱᓕᖅᐸᓪᓕᐊᓂᐅᔪᖁᑎᒋᓪᓗᒍ ᑲᓇᑕᓕᒫᒥ ᓄᓇᕐᔪᐊᕐᒥᐅᓂᓗ--ᖃᓄᑐᐃᓐᓇᖅ ᐅᖃᐅᓯᕐᒥᒃ ᐊᑐᖅᖢᑎᒃ ᐃᓕᓴᐃᒐᓗᐊᕈᑎᒃ--ᓈᓴᐅᓯᕆᓂᕐᒥᒃ ᐃᓕᓐᓂᐊᕐᓂᖅ ᐱᑦᑎᐊᖅᓯᒪᓂᖅᓴᐅᓇᔭᕆᐊᒃᓴᖓ ᓴᙱᑦᑎᐊᖅᑐᒥᒃ ᐅᖃᐅᓯᕐᒥᒃ ᐊᑐᕋᔭᕈᑎᒃ. ᐅᖃᐅᓯᕐᓂᒃ ᓇᓗᓇᐃᖅᓯᒍᑎᑦ ᐸᐃᑉᐹᕐᒧᑦ ᐊᑕᐅᓰᓐᓇᕐᒧᑦ ᓈᒻᒪᓯᓕᖅᓯᒪᔪᑦ ᓱᕙᓕᑭᐊᖑᓇᔭᕐᒪᑕ ᐃᓄᒃᑎᑑᖓᓕᖅᑎᓯᒪᓗᑎᒃ ᑕᐃᒫᑦᑕᐃᓐᓇᖅᑕᐅᖅ ᓱᕙᓕᑭᐊᖑᑎᒋᓇᔭᕐᓂᖓᑐᑦ ᖃᓪᓗᓈᑎᑐᓪᓘᓐᓃᑦ ᐅᐃᕖᑎᑐᓪᓘᓐᓃᑦ ᑎᑎᕋᖅᓯᒪᒐᓗᐊᖅᐸᑕ.

ᓈᓴᐅᓯᕆᔨᒻᒪᕇᑦ ᑲᓇᑕᒥᐅᑕᐅᔪᓪᓗ ᓄᓇᕐᔪᐊᓕᒫᕐᒥᐅᑕᐅᔪᓪᓗ ᐅᖃᖅᓯᒪᖕᒪᑕ ᐃᓕᓐᓂᐊᖅᑐᑦ ᓈᓴᐅᓯᕆᓂᕐᒧᑦ ᑐᕌᖓᔪᓂᒃ ᐅᖃᐅᓯᕐᓂᒃ ᖃᐅᔨᒪᔭᕆᐊᖃᕐᒪᑕ. ᑖᒃᑯᐊ ᐅᖃᐅᓰ ᑖᒃᑯᓇᓃᑦᑐᑦ ᐅᑯᓇᙵᑦ ᐱᓯᒪᔪᑦ: Curriculum and Evaluation Standards for School Mathematics, 1989, and Professional Standards for Teaching Mathematics, 1991, A Problem Solving Approach to Mathematics for Elementary School Teachers, 1993 ᐃᓕᓴᐃᔨᒃᓴᓄᓪᓗ ᐃᓕᓐᓂᐊᖅᑎᑦᑎᔾᔪᑕᐅᕙᒃᖢᑎᒃ. ᐅᑯᓇᙵᓪᓗ ᐱᓯᒪᖕᒥᔪᑦ: The Common Curriculum Framework for K-12 Mathematics. ᑖᓐᓇᓗ ᓄᓇᑦᑎᐊᕐᒥ ᐊᑐᖅᑕᐅᓚᐅᑲᒃᑐᓕᐊᕆᔭᐅᓂᑰᓯᒪᓪᓗᓂ ᐱᔭᒃᓴᐅᓯᒪᓕᖅᑐᖅ 1995ᒥᑦ.

ᑕᐃᒃᑯᐊᓕ ᖁᕝᕙᓯᖕᓂᖕᓄᑦ 10ᒥᑦ 12ᒧᑦ ᐃᓚᒋᐊᕈᑎᒋᔭᐅᓯᒪᔪᖅ ᕿᒥᕐᕈᐊᖅᑕᐅᑦᑎᐊᓪᓚᕆᒋᐊᓕᒃ ᓱᓇᑦ ᐃᓕᓐᓂᐊᖅᑕᐅᓪᖢᐊᕐᒪᖔᑕ ᖃᐅᔨᓇᓱᒡᓗᒋᑦ, ᑭᓯᐊᓂᓕ ᐅᖃᐅᓯᖅᑕᕆᔭᐅᔪᑦ ᐅᑯᓄᖓ ᐃᓚᓕᐅᑎᓯᒪᓇᓱᒋᐊᒃᓴᖅ ᐱᔭᕆᑐᓗᐊᕋᔭᕐᒪᑕ.

ᐃᓱᒪᒋᔭᕋᓕ ᓈᓴᐅᓯᕆᓂᕐᒥᒃ ᐃᓕᓐᓂᐊᖅᑎᑦᑎᑦᑎᐊᕐᓇᓛᖑᓇᓱᒋᓪᓗᒍ ᐊᓯᖏᓐᓄᑦ ᐃᓕᓐᓂᐊᖅᑕᐅᕙᒃᑐᓄᑦ ᐃᓚᓕᐅᑎᖃᓯᐅᑎᓯᒪᒍᓂ. ᑕᒪᓐᓇ ᐊᑐᖁᔪᒥᒋᔭᐅᓯᒪᔪᖅ ᐃᓕᓐᓂᐊᖅᑐᓕᕆᔨᒃᑯᓐᓂᑦ ᓈᓴᐅᓯᕆᓂᐅᑉ ᐃᓕᓐᓂᐊᖅᑕᐅᓂᖏᑦᑕ ᐊᔪᕆᖅᓲᔾᔨᔾᔪᑎᖏᑦᑎᒍᑦ Mathematics K-9: Goals and Objectives (1990). ᑭᓯᐊᓂᓕᑦᑕᐅᖅ ᑖᔅᓱᒪᓂᑦᑕᐃᓐᓇᖅ ᐅᖃᖅᓯᒪᖕᒥᖕᒪᑕ ᓈᓴᐅᓯᕆᓂᖅ ᐃᓕᓐᓂᐊᖅᑎᑦᑎᔾᔪᑕᐅᔭᕆᐊᓕᒃ ᐊᓪᓗᐃᑦᑕᕐᓂᖃᖅᑎᓯᒪᓇᓂ ᐃᓱᒪᒃᓴᖅᓯᐅᕈᑎᒋᑦᑎᐊᖅᓯᒪᔪᒥᒡᓗ ᐋᖅᑭᐅᒪᓂᖃᑦᑎᐊᖅᑐᒥᒃ.

ᑖᒃᑯᐊ ᐅᖃᐅᓯᖃᕐᕖᑦ ᐃᑲᔪᖅᐸᓪᓕᕈᑎᐅᖁᔭᒃᑲ ᐃᓕᓴᐃᔨᓄᑦ ᐃᓕᓐᓂᐊᕐᕕᖕᓂ ᐊᑯᓪᓕᕐᓂ ᐃᓕᓐᓂᐊᖅᑎᑦᑎᔪᓂᒃ ᐃᓕᓴᐃᑦᑎᐊᕈᓐᓇᖁᓪᓗᒋᑦ ᐃᓕᓴᐃᔾᔪᓯᖃᕐᓗᑎᒃ ᐃᓕᓐᓂᐊᖅᑎᑕᑎᒃ ᐃᓱᒻ ᒪᒃᓯᒪᔪᒪᓂᖅᓴᐅᔪᓐᓇᖅᑎᓪᓗᓂᔾᔪᒃ. ᑖᒃᑯᓇᓂ ᓇᓗᓇᐃᕆᓇᓱᑲᑕᒃᓯᒪᔪᖓ ᐊᑐᖅᑕᐅᖃᑦᑕᕋᔭᖅᑐᓂᒃ ᐃᓕᓐᓂᐊᖅᑕᐅᕙᒃᑐᓂ ᐃᓕᓐᓂᐊᖅᖅᓯᑦᑎᓂᕐᒧᑦ ᐊᑐᒐᒃᓴᙳᖅᑎᑕᐅᓯᒪᔪᑎᒍᑦ. ᖁᕕᐊᒋᓪᓚᕆᓚᐅᖅᐸᕋ ᐱᓕᕆᖃᑎᖃᕆᐊᒃᓴᖅ ᐃᓄᒃᑎᑑᓕᖅᑎᕆᖃᑎᖃᕆᐊᒃᓴᖅ ᑐᓵᔨᒃᓴᓂ/ᑐᑭᒧᐊᒃᑎᕆᔪᒃᓴᓂ ᐃᓕᓐᓂᐊᖅᑕᐅᕙᒃᑐᓂᒃ ᓄᓇᕗᑦ ᓯᓚᑦᑐᖅᓴᕐᕕᖓᓂ ᐃᓕᓐᓂᐊᖃᑕᐅᔪᑦ ᖃᐅᔨᓇᓱᖃᑎᒋᓪᓗᒋᑦ ᐅᕝᕙᓘᓐᓃᑦ ᐅᖃᐅᓯᓕᐅᖃᑎᒋᓇᓱᒃᖢᒋᑦ ᑕᒪᒃᑯᐊ ᓇᐅᓴᐅᓯᕆᔾᔪᓰᑦ ᖃᓄᖅ ᐅᖃᑦᑎᐊᖅᓯᒪᓛᖑᔪᓐᓇᕋᔭᕆᐊᒃᓴᖏᓐᓂᒃ ᐊᑐᒐᒃᓴᙳᖁᓪᓗᒋᑦ ᓄᓇᕗᒻᒥᐅᑦ ᒪᒃᑯᒃᑐᖏᓐᓄᑦ. ᒫᓐᓇᒃᑯᑦ ᓄᓇᕗᑦ ᐃᓄᖃᕆᐊᖃᓪᓚᕆᓕᕐᒪᑦ ᓇᐃᓴᐅᓯᕆᔾᔪᓯᕐᓂᒃ ᑐᑭᓯᐊᔪᓂᒃ.

ᑖᓐ ᐋᓚ
ᓴᓪᓕᓂ ᓄᓇᑦᑎᐊᕐᒥ