ARCHIVÉ Glossaire scientifique élémentaire - Introduction

Contenu archivé

L’information dite archivée est fournie à des fins de référence, de recherche ou de tenue de documents. Elle n’est pas assujettie aux normes Web du gouvernement du Canada et n’a pas été modifiée ni mise à jour depuis son archivage. Pour obtenir cette information dans un autre format, Contactez-nous.

Liens connexes

ᐃᓕᓐᓂᐊᕐᑎᓐᓄᑦ ᖃᐅᔨᓴᕐᓂᐅᓂᕐᒧᑦ ᐅᖃᐅᓯᖃᕕᖓᑦ

ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒃ, ᓄᓇᑦᑕ ᐃᓕᓴᕐᕕᖓ, ᐃᖃᓗᓐᓂ ᓄᓇᕗᒻᒥ

ᓇᓗᓇᐃᖅᓯᒋᐊᕈᑎ ᐃᓗᓕᖏᓐᓂᒃ

ᖃᐅᔨᓴᕐᓂᖅ ᐃᓕᓐᓂᐊᖅᑎᓄᑦ, ᐃᓗᓕᖏᑎᒍᑦ, ᑲᒪᒋᔭᐅᓂᖏᑎᒍᑦ, ᐊᒻᒪᓗ ᐃᓕᓐᓂᐊᒐᒃᓴᓕᐊᖑᓯᒪᓂᖏᑎᒍᑦ ᐃᓕᓐᓂᐊᕈᑎᓂᑦ ᐊᔾᔨᒋᔭᐅᙱᓐᓂᖃᐅᖅᐳᖅ. ᐱᒻᒪᕆᐅᑦᓱᓂᓗ ᐊᒻᒪᓗ ᐊᑐᖅᑎᖃᑦᓯᐊᕐᓱᓂᓗ ᐅᕕᒃᑲᓛᕆᔭᑦᑎᓐᓄᑦ ... ᑖᒃᑯᐊ ᒪᓐᓇᐅᓕᖅᑐᖅ ᐊᓯᔾᔨᖅᓯᒪᓕᖅᑎᓪᓗᒋᑦ ᐊᒻᒪᓗ ᐱᔪᓐᓇᐅᑎᑕᐅᖃᐅᕐᓂᖅᓴᐅᓕᖅᑎᓪᓗᒍ, ᑎᑭᐅᑎᕙᓕᒋᐊᖃᓕᖅᑎᓪᓗᒋᑦ ᐊᒻᒪᓗ ᓇᒻᒥᓂ ᐃᓕᒍᑎᒋᕙᓪᓕᐊᒋᐊᖃᕐᒪᒋᑦ ᐃᑉᐱᒋᔭᐅᑦᓯᐊᖁᓪᓗᒍ ᓯᓚᕐᔪᐊᖅ. ᐱᓗᐊᖅᑐᒥᒃ, ᐊᓯᖏᑦᑕᐅᖅ ᐃᓕᓐᓂᐊᖅᑕᐅᔭᕆᐊᓕᑦ ᐃᓄᐃᑦ ᓄᓇᓕᖏᓐᓂᒃ ᑕᐃᒍᓯᖏᑦ ᐅᕝᕙᓘᓐᓃᑦ ᐱᔪᓐᓇᕆᐊᖃᓐᓂᓂᕐᒥᒃ!

ᖃᐅᔨᓴᕐᓂᖅ ᑎᒥᒋᔭᓄᑦ ᖃᐅᔨᓴᕐᓂᐅᕗᖅ, ᐊᒥᓱᕈᖅᐸᓪᓕᐊᓂᖏᑦᑕ, ᐸᕐᓇᑕᐅᑦᓯᐊᖃᑦᑕᕐᓗᓂ, ᖃᐅᔨᓴᑦᓯᐊᖃᐅᓗᓂ, ᐃᓕᓐᓂᐊᖅᑕᐅᑦᓯᐊᕐᑕᐅᓗᓂᓗ, ᐊᓪᒪᓗ ᐊᖏᓪᓕᕙᓕᑎᑕᐅᓗᓂᓗ, ᐊᒻᒪᓗ ᑕᑯᒥᓇᑦᓯᐊᕐᓗᓂᓗ ᓯᓚᕐᔪᐊᕆᔭᕗᑦ, ᐃᓱᒪᓗᑎᒋᕙᑦᑕᕗᑦ, ᐊᐱᖅᑯᑎᒋᕙᑦᑕᕗᑦ, ᓴᖅᑭᐅᒪᑦᓯᐊᖁᓗᒍ, ᖃᐅᔨᒪᔭᐅᑦᓯᐊᖁᓗᒍᓗ, ᐅᖃᐅᓯᕆᑦᓯᐊᖃᑦᑕᕐᓗᒍᓗ. ᐃᓕᓐᓂᐊᕐᓂᖅ ᖃᐅᔨᓴᕐᓂᕐᒥᒃ ᑲᑐᔨᖃᑎᒋᓂᖅ ᐃᓕᓐᓂᐊᕐᕕᓐᓂ "ᕿᒥᕐᕈᕕᒃᓴᐅᓗᑎᒃ", ᖃᐅᔨᓴᕐᓂᕐᒥᒃ ᑕᐅᑐᑦᑎᑦᓯᒍᓐᓇᖅᓱᑎᓗ, ᐅᕝᕙᓘᓐᓃᑦ "ᐊᐅᓚᑕᐅᓂᕆᕙᑦᑕᖏᓗ" ᐊᖏᓪᓕᕙᓪᓕᑎᑦᓯ ᒍᓐᓇᕋᔭᖅᑐᖅᑕᑯᓐᓇᒐᐅᔪᓂᒃ, ᐃᓕᓐᓂᐊᕐᓂᐅᕙᒃᑐᖅ ᖃᐅᔨᓴᕐᓂᓕᕆᓂᖅ ᐊᑦᓱᐊᓗᒃ ᐃᓕᓐᓂᐊᕈᑎᑦᓯᐊᕙᐅᕙᑦᑐᖅ ᑕᒪᒃᑯᓄᖓ ᐃᓕᓐᓂᐊᑎᑦᓯᔨᐅᔪᓄᑦ ᐊᒻᒪᓗ ᐃᓕᓐᓂᐊᕐᑎᓄᑦ ᐊᑐᕐᓱᑎᒃ ᑎᑎᕋᖅᕕᐅᔪᒥᒃ ᐊᒻᒪᓗ ᑎᑎᕋᑦᕕᑦᓴᔭᓄᑦ, ᐅᖃᓕᒪᐅᕙᑦᑐᑎᓗ ᐊᒻᒪᓗ ᐃᓕᓐᓂᐊᕈᑕᐅᕙᑦᓱᑎᓪᓗ.

ᒪᓐᓇᐅᓕᖅᑐᖅ ᓄᓇᑦᑎᐊᕐᒥ ᐃᓕᓐᓂᐊᖅᑕᐅᕙᓕᖅᑐᖅᑕᐅ ᐊᓚᒃᑲᐅᒪᙱᑦᑐᖏᒻᒪᑕ "ᖃᐅᔨᓴᐅᑎᒃᑯᑦ ᐊᒻᒪᓗ ᖃᓄᖅᑐᕆᐊᕐᓗᒋᓗ" ᐊᑐᓪᓚᕆᑦᑐᑦ ᑲᒪᒋᔭᐅᓂᖏᑦ (ᐃᓅᓯᕐᒧᑦ ᐊᒻᒪᓗ ᓯᓚᑎᕆᔭᑦᑎᓄᑦ: ᐃᓱᒪᒋᕙᑦᑕᑎᓄᓪᓗ ᐊᒻᒪᓗ ᐊᐅᓚᓂᕆᔭᑦᑎᓐᓄᑦ: ᓯᓚᕐᔪᐊᖅᑎᓐᓄᓪᓗ, ᐃᓂᒋᔭᑦᑎᓄᓪᓗ, ᐊᒻᒪᓗ ᐱᕕᓕᒪᑦᑎᓄᓪᓗ), ᑭᓯᐊᓂ ᖃᐅᔨᓴᐅᑎᑦᓯᐊᕙᐅᑦᓱᑎᓪᓗ ᐊᒻᒪᓗ ᐊᑐᑎᖃᑦᓯᐊᖅᓱᓂᓗ "ᐃᓕᓐᓂᐊᕈᑕᐅᕙᑦᓱᓂᓗ" ᑕᒻᒪᒃᑯᓄᖓ ᓱᕈᓯᕐᓄᑦ ᐊᖅᑯᑎᖃᖅᓱᑎᒃ ᐃᓕᓐᓂᐊᕕᒻᒥ ᖃᐅᔨᓴᕐᓂᖅ ᐃᓕᓐᓂᐊᕐᑕᐅᑦᓱᓂ ᐊᒻᒪᓗ ᐅᑎᖅᕕᒋᓗ, ᑕᐃᒪᒃ ᐊᖏᓪᓕᕙᓪᓕᖅᓯᒪᖁᓗᒍ ᖃᐅᔨᓴᕐᓂᕆᕙᑦᑕᖏᑦ (ᐃᓕᓐᓂᐊᖅᑎᓚᓐᓄᑦ ᐃᓕᓐᓂᐊᖅᑕᐅᕙᒃᑐᑦ ᖃᐅᔨᓴᕐᓂᖅ: ᐃᓕᓐᓂᐊᕋᑦᓴᐅᔪᐃᑦ ᒪᓕᒋᐊᓕᖏᑦ, ᓇᓵᐅᑎᖏᑦ 9ᒥᒃ – 11ᒧᑦ). ᓴᖅᑭᐸᓕᐊᑐᐃᓐᓇᕐᒪᑕ ᑕᒃᑯᐊ ᐊᒻᒪᓗ ᐃᓚᒋᔭᖏᑦ ᐃᓱᒪᖅᑐᑎᑦᓴᐃᑦ ᓇᓂᔭᐅᒍᓐᓇᖅᓱᑎᓪᓗ ᓄᓇᑦᓯᐊᒃᒥ ᐃᓕᓐᓂᐊᕈᑕᐅᓗᑎᒃ ᐃᓕᓐᓂᐊᖅᑎᐸᐅᔭᓄᑦ ᖃᐅᔨᓴᕐᓂᐅᔪᔪᖅ (1991ᒥᒃ). ᖃᐅᔨᓴᕐᓂᐅᔪᒥ ᑕᑯᔭᑦᓴᐅᑎᑦᓯᓂᖅ ᐊᑐᐃᓇᐅᒪᑎᑦᓯᓂᖅ ᐳᖅᑐᓂᖏᓐᓂᒃ (ᐊᑐᖅᑕᐅᓂᐅᓴᑎᓪᓗᒍ ᐃᓕᓐᓂᐊᖅᑎᓚᖅᓄᑦ ᐃᓕᓐᓂᐊᕋᑦᓴᐅᒻᒪᑦ) ᐅᑯᐊᑕᒡᒐ ᖃᓄᐃᑦᑐᑐᐃᓐᓇᐅᔪᑦ ᐅᒪᔪᑦ, ᓄᓇᓕᒋᔭᑦᑎᓐᓂ ᐃᓄᐃᑦ, ᐱᔪᓐᓇᕐᓂᕗᑦ ᐃᓅᓯᕆᔭᑦᑎᓐᓂ, ᐊᐅᓚᓂᕆᔭᖏᑦ ᓄᓇᒥᐅᑕᐅᔪᐃᑦ ᓄᓇᓗᑦᑎᓐᓂ, ᐊᑦᑕᓈᖅᑐᑎᒐᓚᐃᑦ ᓄᓇᓕᑦᑎᓐᓂ, ᐊᖅᑭᑦᓯᒪᓂᕆᔭᖏᑦ ᓯᓚᕐᔪᐊᑉ, ᐊᐅᓚᓂᖏᕙᑦᑕᖏᑦ ᓯᓚᕐᔪᐊ ᕿᑎᖓᓂ, ᐊᒻᒪᓗ ᑐᑭᓯᒐᓱᐊᕐᓗᒍᓗ ᐊᒻᒪᓗ ᕿᒥᖅᕈᓗᒍᓗ ᓯᓚᕐᔪᐊᖅ. ᐅᖃᐅᓯᕆᔭᐅᒋᐊᖃᖃᑦᑕᕐᒥᔪᖅ ᐃᑲᔪᑎᒋᔭᐅᓗᓂᓗ ᐃᓕᓐᓂᐊᖅᑎᓯᔨᐅᑉ ᐃᓕᓐᓂᐊᖅᑎᓚᓐᓄᑦ, ᐊᒻᒪᓗ ᑕᒃᑯᐊ "ᐃᓕᓐᓂᐊᖅᑎᐸᐅᔭᐅᓂᖅᓴᐃᑦ ᐃᓕᑉᐸᓪᓕᖅᓯᒪᔪᑦ ᖃᐅᔨᕙᓪᓂᓯᒪᑦᓱᑎᓪᓗ ᐊᑐᑎᖃᕐᓂᐊᖅᑎᓪᓗᒍ ᐱᓕᕆᐊᕆᔭᐅᓂᐊᖅᑎᓪᓗᒋᑦ.

ᐱᓕᕆᐊᕆᔭᐅᑦᓯᐊᖅᑐᒥᓂᑦ ᐃᓕᓐᓂᐊᖅᑎᓚᓐᓄᑦ ᑕᑯᔭᑦᓴᐅᑎᓪᓗᒋᑦ ᓄᓇᓕᖏᓐᓂᒃ ᖃᐅᒡᒐᓱᐊᕐᓂᑦ ᒥᒃᓴᓄᑦ – ᑕᐃᒪᙵᓕᒪ ᖃᓪᓗᓈᑎᑐᑦ ᐅᖃᐅᓯᐅᒐᔪᑦᑐᖅ – ᑐᑭᒧᐊᑦᑎᑦᓯᓂᖅᓴᐅᕙᒻᒪᑦ ᐅᕙᑦᑎᓄᑦ ᐱᓯᒪᓪᓚᕆᒋᐊᖃᒪᑦ ᐅᖃᐅᓯᑦᑎᓐᓄᑦ ᑕᒡᕗᖓᐃᓕᓪᓂᐊᒐᑦᓴᐅᔪᒧᑦ. (ᐅᖃᐅᓯᕗᑦ ᐃᓄᒃᑎᑐᑦ – ᐃᓕᓐᓂᐊᕋᑦᓴᐃᑦ ᐊᑐᐃᓇᐅᕙᒻᒥᔪᑦ ᐃᖅᑲᓇᐃᔭᕆᔭᐅᕙᒻᒪᑕ ᓄᓇᕗᑦ ᓯᓚᑦᑐᓴᕐᕕᒻᒥ ᑐᓴᔨᐅᓂᕐᒧᑦ ᑲᑐᔨᖃᑎᒋᑦᓱᑎᒃ – ᑭᓯᐊᓂᓕ ᖃᐅᔨᕙᑦᑕᕗᑦ ᐃᓕᓐᓂᐊᖅᑎᖁᑎᕗᑦ ᐊᕿᒪᑎᓪᓗᒋᑦ "ᓱᓇᑭᐊᖅ ᐅᕝᕙᓘᓐᓃᑦ ᖃᓄᑭᐊᖅ" ᐊᑐᑭᑕᕋᓗᐊᖅᓱᑎᒃ ᖃᐅᔨᓴᕐᓂᕐᒧᑦᑕᑯᔭᓕᐊᕆᔭᖏᓐᓄᑦ ᐅᖃᐅᓯᑦᓯᐊᕙᐅᒋᐊᖃᕐᓂᑯᖓᓄᑦ).

ᖃᐅᔨᒪᔭᐅᓂᕆᓕᖅᑕᖓᑕ ᐃᓕᓐᓂᐊᕈᑎᑦ ᐃᓕᔭᐅᒪᓕᖅᑐᑦ ᒪᑉᐱᖅᑐᒐᕐᓄᑦ ᓇᐅᑐᐃᓐᓇᐃᑦ ᖁᕝᕙᓯᓐᓂᓕᓐᓇᑦ – ᒪᐅᖓᑐᐃᓐᓇᐅᖏᑐᖅ ᒪᑉᐱᖅᑐᒐᕐᓄᑦ, ᓇᒻᒥᓂᖅ, ᖃᐅᔨᓴᐅᑎᑦ ᐅᕝᕙᓘᓐᓃᑦ ᓄᓇᑦᓯᐊᕐᒥ ᐃᓕᓐᓂᐊᕋᓴᐃᑦ. ᐱᔾᔪᑎᒋᑦᓱᒍ ᐃᑲᔪᖅᑕᐅᓂᖏᑦ ᕿᒥᖅᕈᐊᒐᒃᑯᕕᒃ ᐊᒻᒪᓗ ᐃᓕᓐᓂᐊᕐᕕᒐᓚᐃᑦ ᓯᓚᒃᑐᓴᕐᕕᒃ ᕼ.ᕋ. ᒥᒃ, ᓯᓚᑦᑐᓴᕐᕕᒃ ᐊᑐᕙᒥ, ᐊᒻᒪᓗ ᑲᓐᑯᐊᕐᑎᐊ ᓯᓚᑦᑐᓴᕐᕕᖓ ᖃᐅᔨᒪᓕᕐᒥᔪᖅ. (ᖃᐅᔨᔪᒪᔪᖓ ᓱᕈᓯᑦ ᐃᓕᔾᔨᕕᖓ, ᕿᒥᖅᕈᐊᕋᓴᖏᑦ ᖃᐅᔨᓴᐅᑎᖏᑦ ᓄᓇᓕᓐᓂ ᕿᒥᖅᕈᒐᒃᑯᕕᖏᓂᒃ, ᑐᕋᖓᓂᖅᓴᐅᓗᐊᖅᑐᑦ ᐃᓅᓯᕐᒧᑦ, ᐊᑐᖅᓱᑎᒃ ᐊᓂᑦᓴᓇᙱᑦᑐᒥᖓᖅᑐᒥ ᐊᒻᒪᓗ ᓄᓇᕐᔪᐊᕐᒥᙵᖅᑐᒥ. ᖁᕕᐊᓇᖅᑐᐸᓗᒃ, ᑭᓯᐊᓂᓕ ᐱᐅᓂᕐᓴᐅᕗᖅ ᓴᓗᑦᑎᓴᐅᑎᒥᒃ). ᐃᑉᐱᓐᓂᐊᕆᔭᕗᑦ ᖃᐅᔨᓴᕐᓂᕐᒧᑦ ᓴᖅᑭᐸᓪᓕᕐᓱᒪᔪᖅ, ᖃᓄᐃᒻᒪᒃᑭᐊᖅ, ᐱᓕᕆᐊᕆᖃᑦᑕᕐᓱᑎᒍ ᓇᒻᒥᓂᖅ ᐊᒻᒪᓗ ᐃᓕᓐᓂᐊᐸᑦᑐᐃᑦ ᖃᐅᔨᓴᕐᓂᕐᒥᒃ ᐃᓕᓐᓂᐊᖅᑎᑦ ᐃᓕᓐᓂᐊᑎᓯᔨᐅᒋᐅᕐᓴᓂᕐᒥᒃ ᐃᖃᓗᖕᓂ, ᐃᒡᓗᓕᒻᒥ, ᐊᒻᒪᓗ ᓴᓪᓕᓂᒃ, ᐊᒻᒪᓗ ᐃᑲᔪᕐᓂᖃᑦᓯᐊᖅᓱᓂ ᐊᑦᓱᕕᔾᔪᐊᓗᒃ ᖃᐅᒡᕙᓪᓕᐊᓇᖅᑐᖅ. ᑎᑎᕋᖅᑕᐅᓂᕆᕙᑦᑕᖓ ᓇᓗᓇᓗᐊᕋᓂᓗ. ᒪᓐᓇᒪᕈᓚᐅᖅᑐᖅ ᐋᓂᐊᖃᕐᓇᖏᑦᑐᒥ ᐊᒻᒪᓗ ᓯᓚᓕᕆᓂᕐᒥᒃ, ᐃᓕᓐᓂᐊᖅᑕᐅᑎᓪᓗᒋᑦ ᑕᒃᑯᓂᖓ ᐃᓕᓐᓂᐊᖅᑎᓗᒋᑦ, ᐊᑐᑎᖃᕈᓐᓇᖅᑐᐸᓗᒻᒪᑦ ᐃᓪᓗᕆᓯᕆᔭᖏᓐᓄᑦ ᐅᕝᕙᓘᓐᓃᑦ ᑕᑯᔭᒐᑦᓴᐅᑎᓪᓗᒋᑦ, ᓇᒻᒥᓂᕐᓗ ᐃᓕᑉᐸᓪᓕᐊᓂᖃᖅᓱᑕ ᓇᓵᐅᓯᕆᓂᕐᒥᒃ.

ᑎᑎᕋᖅᓯᒪᓂᖏᑦ ᐊᒻᒪᓗ ᖃᓄᐃᓕᖓᓂᖏᑦ ᖃᐅᔨᓴᕐᓂᐅᔪᑉ, ᐊᒥᓱᓂᒃ ᑕᖅᑭᓂᒃ ᐊᕿᒐᓱᐊᓚᐅᖅᑐᑦ. ᐊᖅᑭᓱᕐᑕᐅᓂᖏᑦ ᐊᒻᒪᓗ ᐃᓕᔭᐅᓂᖏᑦ ᐊᓯᖏ ᐱᔭᕆᐊᑭᓪᓕᓚᐅᖅᑐᑦ ᐱᔭᕆᖅᑕᐅᓕᕋᒥ. ᓄᓕᐊᕋ, ᕗᕋᓐᓯᔅ, ᐃᑲᔪᓚᐅᕐᑐᖅ, ᐅᐃᕕᑎᑐᑦ ᐅᖃᕆᐅᕐᓴᓂᕐᒥ, ᐸᓂᕗᑦ, ᕈᓴᓕ, ᐃᓕᓐᓂᐊᕆᕐᓂᐅᓴᔭᒥᓂᒃ ᐃᓄᓯᕐᒧᑦ ᖃᐅᔨᓴᕐᓂᕐᒧᑦ ᑕᐃᑲᓂ ᒪᒃᒋᐅ ᓯᓚᑦᑐᓴᕐᕕᖓᓂ, ᖃᕆᑲᐅᔭᓕᕆᓂᕐᒧᑦ ᐃᓗᓐᓇᖏᓐᓄᑦ ᐱᒻᒪᕆᐅᒻᒪᑦ ᐃᓄᒃᑎᑐᑦ ᐃᓕᓐᓂᐊᕐᓂᑦ ᓴᕿᐅᒪᑎᑕᐅᓚᐅᕐᒪᑕ ᓄᓇᕗᑦ ᓯᓚᑦᑐᓴᕐᕕᖓᑕ ᑐᓴᔨᐅᒐᓱᐊᒋᐅᕐᓴᖅᑐᓄᑦᒧ ᐅᑯᐊᑕᒡᒐ: ᑳᓂ ᐊᓕᕙᖅᑕᒃ, ᔨᓂ ᐃᓯᒪᐃᓕ, ᔩᓂ ᑲᑦᓴᖅ, ᐃᐊᕕᓕᓐ (ᐸᐸᑦᓯ) ᑯᑉᓗ-ᕼᐃᐅᓪ, ᐊᐃᓖᓐ ᕿᓚᕝᕙᒃ, ᓰᓚ ᐊᑯᒫᓗᒃ.

ᖁᔭᓕᔪᒪᒻᒪᕆᖕᒥᔭᕗᑦ ᐃᒡᓗᓕᖏᒥᐅᑦ ᖃᐅᔨᓴᕐᕕᖓᓂᑦ ᐅᖃᐅᓯᖅᑕᖅᑖᕆᓚᐅᖅᑕᕗᑦ ᐱᓗᐊᖅᖢᒋᑦ ᑕᐃᒃᑭᐊ ᐊᐃᕝᕙᓚᕼᐋᒻ ᐅᓛᔪᕈᓘᑉ ᐊᒻᒪᓗ ᕼᐃᐳᑦ ᐊᒪᕈᐊᓕᐅᓚᖅᑑᑉ ᐅᖃᐅᓯᕆᓂᑯᖏᑦ. ᖁᔭᓕᔪᒪᒻᒪᕆᒃᑕᕗᑦᑕᐅᖅ ᐅᓘᓯ ᑲᓪᓗᒃ ᐃᑲᔪᒻᒪᕆᓚᐅᕐᒫᑎᒍᑦ ᐊᐳᒻᒥᒡᓗ ᓯᑯᒥᒡᓗ ᐅᖃᐅᓯᒃᓴᖅᓯᐅᕈᔾᔨᑎᓪᓗᑕ. ᑕᓐᓇ ᐅᖃᐅᓯᖃᕐᕕᒃ ᐱᔭᕆᖅᑕᒥᓂ ᐃᖃᓗᖕᓂ, ᐅᐃᕕᖑᔭᕆᐅᕐᓴᑎᑦᓯᔨᐅ ᔪᓕ ᐳᓯᐊᕐᓂᐅ.

ᖃᐅᔨᓴᖅᑎᐅᔪᐃᑦ, ᖃᐅᔨᒐᔭᖅᑐᑎᑦ, ᖁᕕᐊᒋᒐᔭᕋᑦᓯᐅ, ᖃᓄᑐᐃᓐᓇᖅ ᐅᖃᓕᒪᐅᑎᖃᖅᑎᓪᓗᒋᑦ ᐱᓕᕆᐊᕆᕙᑦᑕᖏᓐᓂ ᐊᒻᒪᓗ ᐃᖅᑲᓇᐃᔭᕆᕙᑦᑕᖏᓐᓂᓪᓗ. ᐊᑦᓱᒃ ᐊᖑᑎᑦ ᐊᒻᒪᓗᓐᓂᑦ ᐊᕐᓇᐃᑦ ᐳᓚᕆᐊᕋᓐᓂᖅᑐᐃᑦ ᐃᓕᓐᓂᐊᖅᕕᒋᔭᖏ! ᐊᕐᕋᒍᐃᑦ ᐊᕙᑎᑦ ᒪᕐᕈᖅ ᓇᓯᒪᓕᖅᑐᑦ, ᐃᓕᓐᓂᐊᖅᑎᐅᑦᓱᖓ ᑎᑎᕋᖅᑎᐅᓂᕐᒥ ᐊᒻᒪᓗ ᐃᓕᓐᓂᐊᑎᑦᓯᔨᐅᓂᕐᒥ, ᑕᓐᓇ ᑎᑎᕋᖅᑎᐅᔪᖅ ᖃᐅᔨᓴᕐᓂᐅᔪᒥᒃ, ᒪᒡᒋᐅᓪ ᓯᓚᑦᑐᓴᕐᕕᖓᓂ ᖃᐅᔨᓴᕐᓂᓕᕆᔨ ᕕ. ᑭᐊᓂᔅ ᕼᐊᕐ – ᐅᖃᓕᒪᔭᕐᓯᑎ, ᐅᖃᕐᒪᑦ ᐅᕙᑦᑎᓐᓗᑦ, ᑕᑕᕆᓐᓂᕋᒥ ᐊᓂᕐᓴᓇᙱᑦᑐᓂᙵᕐᓯᒪᔪᓂᒃ ᐱᕙᓕᐊᔭᒥᓂᖏᓐᓂᒃ ᑕᕆᐅ ᐅᖓᑕᓂ ᐃᙵᓚᒥ ᓯᕈᓯᐊᐱᐅᑦᓱᓂ. ᐃᓚᒍ ᓯᓚᕐᔪᐊᑭᑦᓴᖅᑐᐃᑦ ᑕᐃᒪ ᐅᖃᖅᑐᒥᓂᑦ. ᕿᒥᖅᕈᐊᒐᒃᑯᕕᒻᒥᒃ ᐱᓕᕆᐊᕆᕙᑦᑕᒥᓂᖏᑦ ᐊᑐᕐᐸᓕᖅᐸᕗᑦ ᖃᐅᔨᓴᕐᓂᓕᕆᓂᖅ ᑕᑯᑦᓴᐅᖏᑕ 9(ᔮᓐ ᐅᐊᐃᓕ, 1986ᖑᑎᓗᒍ), ᓯᕗᓪᓕᖅᐸᒥᓂᐅᒻᒪᕆᑐ ᑲᓄᐃᑎᐊᒥᒃ ᖃᐅᔨᓴᖅᑎᐅᓂᖓ. "ᖃᐅᔨᓴᖅᑎᐅᓂᖅ, ᐅᓗᓐᓇᒍᑦ, ᐃᓱᒪᕐᓴᖅᓯᐅᕆᐊᓕᐸᓗᒃ," ᓘᑦᑕᖅᔪᐊ ᕼᐊᕐ ᐅᖃᕆᐊᒃᑲᓂᖅᓯᒪᔪᖅ ᖃᐅᔨᓴᕐᓂᕐᒥ. ᐅᕙᒍᑦ ᐃᓕᓐᓂᐊᖅᑎᑦᓯᔨᐅᔪᒍᑦ ᐊᑐᕋᓱᐊᒃᑲᓂᕋᑦᑕ ᐅᖃᐅᓯᖃᕆᐊᓪᓚᓂᕐᒥ ᐃᓕᓐᓂᐊᖅᑎᓚᕐᓄᑦ ᖃᐅᔨᓴᕐᓂᓕᕆᓂᕐᒥ ᐱᑕᖃᕆᐊᓪᓚᑎᑦᓯᒐᓱᐊᕐᓂᕐᒥ, ᑕᐃᒪᐃᑦᑕᖅᐳ ᑕᒪᓐᓇ.

ᑖᓐ ᐋᓚᓐ, F.C.C.T.
ᐃᖃᓗᐃᑦ, 20 ᓯᑉᑎᒻᐳᕐ 1997ᒥ